ກຳປັ່ນຟູຈ້ຽນຂອງກອງທັບເຮືອຈີນ ດຳເນີນການທົດລອງຂັບເຄື່ອນຄັ້ງທຳອິດ
ກຳປັ່ນຟູຈ້ຽນ ເຊິ່ງເປັນ ກຳປັ່ນບັນທຸກເຄື່ອງບິນລຳທີ 3 ຂອງຈີນ ໄດ້ອອກຈາກທ່າກຳປັ່ນຂອງໂຮງງານຜະລິດກຳປັ່ນ ຈ່ຽງນານຊຽງໄຮ
ເພື່ອເດີນທາງໄປເຂດທະເລທີ່ກ່ຽວຂ້ອງ ເພື່ອດຳເນີນການທົດລອງເດີນເຮືອຄັ້ງທຳອິດຫຼັງຈາກສ້າງສຳເລັດ.
ອີງຕາມຂະບວນການໂຄງການຜະລິດກຳປັ່ນບັນທຸກເຄື່ອງບິນ ລະບຸວ່າ: ການທົດລອງເດີນເຮືອຄັ້ງນີ້ ຕົ້ນຕໍແມ່ນເພື່ອກວດກາ, ຢືນຢັນ
ຄວາມໜ້າເຊື່ອຖື, ຄວາມໝັ້ນທ່ຽງຂອງລະບົບແມ່ແຮງ, ລະບົບພະລັງໄຟຟ້າ ແລະ ລະບົບອື່ນໆຂອງກຳປັ່ນຟູຈ້ຽນ. ນັບແຕ່ພາກ ສ່ວນ
ກ່ຽວຂ້ອງນຳກຳປັ່ນດັ່ງກ່າວລົງນ້ຳແຕ່ເດືອນ ມິຖຸນາ ປີ 2022 ເປັນຕົ້ນມາ, ວຽກງານຜະລິດກຳປັ່ນຟູຈ້ຽນ ໄດ້ດຳເນີນໄປຢ່າງເປັນກ້າວໆ
ຕາມແຜນການ, ເຊິ່ງໄດ້ສຳເລັດການທົດລອງຈອດກຳປັ່ນ, ການປັບປຸງເຄື່ອງຈັກ ແລະ ອຸປະກອນຕ່າງໆຢ່າງສະດວກ, ໄດ້ມີເງື່ອນໄຂດ້ານ
ເຕັກນິກທີ່ຄົບຖ້ວນ ເພື່ອດຳເນີນການທົດລອງເດີນເຮືອທາງທະເລ.
ແຫຼ່ງທີ່ມາ: ໜັງສືພິມກອງທັບ
ວັນທີ 20/05/2024